Taste & Smell Disorders
အရသာနှင့် အနံ့အာရုံတို့သည် လူသားတွေကို ပျော်ရွှင်မှုတွေ ခံစားစေနိုင်ပါတယ်။ အရသာက အစားအစာနှင့် အဖျော်ယမကာတွေကို ပျော်မွေ့စေတယ်။ အနံ့က နှင်းဆီနံ့၊ ကော်ဖီနံ့ စသဖြင့်ရနံ့များကို ခံစားစေနိုင်ပါတယ်။ အရသာနှင့် အနံ့ခံစားမှုများသည် အစားအစာမကောင်းသည့်အခါ သို့မဟုတ် ဓာတ်ငွေ့ယိုစိမ့်သည့်အခါတွေမှာ လူကို အသိပေးခြင်းအားဖြင့်လဲ ကာကွယ်ပေးပါတယ်။ သူတို့က ကျွန်ုပ်တို့ လိုအပ်တဲ့ အာဟာရတွေရရှိအောင်လည်း အစာစားချင်စိတ်ပေါ်အောင် လုပ်ပေးပါသေးတယ်။
အရသာအာရုံချို့တဲ့သောသူများသည် မရှိတဲ့ အရသာများကို ခံစားနိုင်ခြင်း၊ မတူတဲ့ အရသာတွေကို မခွဲနိုင်ခြင်းများအပြင် လုံးဝအရသာမခံစားနိုင်ခြင်းများကို ခံစားရတတ်ပါတယ်။
အနံ့အာရုံချို့တဲ့သောသူများကတော့ လုံးဝအနံ့မခံနိုင်ခြင်း သို့မဟုတ် အခြားသူများနှင့် မတူသောအနံ့များကို ခံစားရခြင်းများ ဖြစ်တတ်ပါတယ်။ တစ်ချိန်က သူတို့နှစ်သက်ခဲ့တဲ့ အနံ့တွေကလည်း သူတို့အတွက် အနံ့ဆိုးတွေလို့ ခံစားလာရနိုင်ပါတယ်။
How common are taste and smell disorders?
အနံ့ခံနိုင်သောအာရုံ ပျောက်ဆုံးမှုဟာ သင့်ဘဝအပေါ် အကျိုးသက်ရောက်မှုများစွာ ဖြစ်နိုင်ပါတယ်။ ဒါဟာ ပိုမိုစိုးရိမ်ရတဲ ကျန်းမာရေးပြဿနာတွေရဲ့ လက္ခဏာတစ်ခုလည်း ဖြစ်နိုင်ပါတယ်။ လူတွေ အသက်ကြီးလာတာနဲ့အမျှ အနံ့နှင့်ဆိုင်သော ပြဿနာတွေကလည်း ပိုမိုများပြားလာပြီး၊ အမျိုးသမီးတွေထက် အမျိုးသားတွေမှာ ပိုမိုအဖြစ်များတတ်ပါတယ်။ လေ့လာမှုတစ်ခုအရ အသက် ၆၀ နှင့် ၆၉ ကြားရှိ အမျိုးသား လေးပုံတစ်ပုံနီးပါးသည် အနံ့အာရုံချို့တဲ့ခြင်းများ ခံစားနေရချိန်မှာ
ထိုအသက်အရွယ်ရှိ အမျိုးသမီး ၁၁ ရာခိုင်နှုန်းခန့်ကသာ ဒီပြဿနာရှိတာကို တွေ့ရပါတယိ။
လူအများစုဟာ အရသာခံစားချက်များကို ပေါ့ပေါ့တန်တန် အလေးမထားတတ်ကြသော်လည်း အရသာခံစားမှုချို့တဲ့ခြင်းသည် သင့်ဘဝနဲ့ ကျန်းမာရေးအခြေအနေများအပေါ် ဆိုးကျိုးသက်ရောက်မှုများစွာ ရှိနိုင်ပါတယ်။ နှစ်စဉ်နှစ်တိုင်း လူပေါင်း ၂၀၀,၀၀၀ ကျော်တို့သည် အရသာ သို့မဟုတ် အနံ့အာရုံချို့တဲ့ခြင်းများနှင့် ပတ်သက်ပြီး ဆရာဝန်များဆီ လာရောက်ပြသနေကြပါတယ်။ အရွယ်ရောက်ပြီးသူများရဲ့ ၁၅% ဟာ အရသာနှင့် အနံ့အာရုံချို့တဲ့မှုများ ရှိနေသော်လည်း ဆရာဝန်များဆီ သွားရောက်ကုသမှု မခံယူကြသူများဖြစ်တယ်လို့ သိပ္ပံပညာရှင်များက ယူဆကြပါတယ်။
အရသာနှင့် အနံ့အာရုံခံစားမှုများဟာ စပ်ဆက်နေပါတယ်။ လူအများစုက အရသာမခံစားနိုင်လို့ ဆရာဝန်ကို သွားပြတဲ့အခါ တကယ်တမ်း သူတို့ဟာ အနံ့အာရုံခံစားမှုချို့တဲ့နေတာကို အံ့သြစွာတွေ့ရပါတယ်။
အနံ့နှင့် အရသာပျက်ခြင်းနှစ်မျိုးလုံးအား နား၊ နှာခေါင်း၊ လည်ချောင်း၊ ဦးခေါင်း နှင့် လည်ပင်း (တစ်ခါတစ်ရံ ENT ဟုခေါ်သည်) ရောဂါများ ကိုအထူးပြုတဲ့ otolaryngologist ဆရာဝန်ဆီမှာ ပြသရပါတယ်။
အချို့လူများက သူတို့ကို အနံ့ပျောက်စေတဲ့ ရောဂါမှ ပြန်လည်နာလန်ထူလာသောအခါ အနံ့ခံနိုင်စွမ်းကို ပြန်လည်ရရှိလာပါတယ်။ အချို့သောလူများကတော့ အကြောင်းပြချက် လုံလုံလောက်လောက် မရှိဘဲနဲ့လည်း ၎င်းတို့၏အနံ့ခံအာရုံကို အလိုအလျောက် ပြန်လည်ရရှိလာကြပါတယ်။ သင့်ရဲ့အနံ့မရခြင်းကို အောင်မြင်စွာကုသနိုင်ခြင်းမရှိရင်တော့ အသားကျအောင် ကျွမ်းကျင်သူများဆီမှ အကြံဉာဏ်များ တောင်းခံဆွေးနွေးဖို့ စဥ်းစားသင့်ပါတယ်။
အရသာနှင့် အနံ့မရမှုများဟာ စိုးရိမ်ရတဲ့ ရောဂါများကို ဆက်လက်ဖြစ်ပွားစေနိုင်တာကြောင့် ကျွမ်းကျင်တဲ့ ဆရာဝန်များနှင့်ပြပြီး ကုသသင့်ပါတယ်။ Stay Home ကာလမလို့ အပြင်ထွက်လို့မရရင်လည်း My Medicineရဲ့ ဆရာဝန်များနှင့် onlineကနေ အချိန်မရွေး ပြသနိုင်ပါတယ်နော်။
အသေးစိတ်သိရှိလိုပါက My Medicine website ရဲ့ Chat Box Messenger သို့မဟုတ် ဖုန်းနံပါတ် 9779995588 ကို ဆက်သွယ်မေးမြန်းနိုင်ပါတယ်ရှင်။